சத்து நிறைந்த முருங்கை கீரை சூப்

முருங்கைக்கீரை மிகவும் சத்து நிறைந்தது. பெண்களின் மாதவிடாய் பிரச்சனைகளுக்கு தீர்வு தரும். இதனை வாரம் மூன்று முறை செய்து சாப்பிடுவது மிகவும் நல்லது.

எண்ணெய் - 1 தேக்கரண்டி

சீரகம் - 1/2 தேக்கரண்டி

பூண்டு - 7

இஞ்சி - சிறிய துண்டு

வெங்காயம் - 2

தக்காளி - 1

முருங்கை இலை - 1 கப்

தண்ணீர் - தேவையான அளவு

உப்பு, மிளகு - தேவையான அளவு

* வெங்காயம், தக்காளியை பொடியாக நறுக்கி கொள்ளவும்.

* இஞ்சியை துருவிக் கொள்ளவும்.

* பூண்டை நசுக்கி வைக்கவும்.

* ஒரு கடாயில் எண்ணெய் ஊற்றி சூடானதும் சீரகம், பூண்டு, துருவிய இஞ்சி, போட்டு தாளித்த பின் வெங்காயத்தை போட்டு நன்றாக வதக்கவும்.

* வெங்காயம் வதங்கிய பின்னர் தக்காளி சேர்த்து நன்கு வதக்கவும்.

* பிறகு முருங்கை இலைகளை சேர்த்து 5 நிமிடம் வதக்கிய பின்னர் தேவையான அளவு தண்ணீர் சேர்த்து ஒரு 10 நிமிடம் வேக விடவும்.

* கடைசியாக உப்பு மற்றும் மிளகு தூள் சேர்த்து பரிமாறவும்.

* இந்த சூப் மிகவும் சத்து நிறைந்தது. வாரம் மூன்று முறை இந்த சூப் செய்து குடிப்பது மிகவும் நல்லது.